Este ano os nenos e nenas de
Educación Infantil do colexio San Tomé estabamos a realizar un proxecto para
crear unha curta de animación sobre o conto MaRiLuZ AvEsTrUz.
A ilusión e as ganas eran
máximas, puxémonos man á obra e traballamos arreo moitos meses, pero chegou ás
nosas vidas o COVID-19, paralizándoo todo, e tamén o noso proxecto.
A nova situación impediunos continuar co traballo iniciado e isto produciunos un gran pesar, pero como sempre hai que ver o vaso medio cheo
e ser positivos, co pouco material que xa tiñamos elaborado e que puidemos
aproveitar, pois outro moito tivo que quedar no tinteiro ao non estar
rematado, decidimos crear este anaco da nosa curta.
Esperamos que a desfrutedes ao
máximo.
Tamén vos colgamos o vídeo de
como se fixo, con algunhas fotos que reflicten o gran traballo realizado.
Por último, pequenos e
pequenas, queremos agradecervos a vosa ilusión no traballo, o voso esforzo, as vosas
ideas e a paciencia durante as gravacións.
No hay comentarios:
Publicar un comentario